ဒီနေ့ ထိုင်နေရင်းနဲ့ တစ်ယောက်က ကျွန်တော့်ကို လာပြောတယ်။ အကို ကျွန်တော် CentOS Linux နဲ့ Windows ကို Dual Boot တင်တာ ဘာဖြစ်လို့လဲမသိဘူး Windows ကိုတက်အောင် ရွေးတာ မပါတော့ဘူးတဲ့။

တထိုင်ထဲမှာ အတွေးတွေ အရမ်းများသွားတယ်။ ဘာဖြစ်လို့လဲပေါ့။ Linux ကို အရင်တင်တာလား Windows ကိုအရင်တင်တာလား လို့မေးလိုက်တယ်။ ဘာလို့လဲဆိုတော့ များသောအားဖြင့် Linux ကိုအရင်တင်လိုက်ရင် GRUB ကို Windows Boot Loader က ဖုံးသွားတော့ Windows ပဲတက်တော့တယ် Linux ကို ရွေးလို့မရ ဖြစ်သွားတာက များတယ်လေ။ ဒါပေမယ့် သေချာပြန်စဉ်းစားပြန်တော့လည်း သူက Windows တက်မရတာဆိုတော့ ဦးနှောက်ထဲမှာ တော်တော် ခေါင်းစားသွားတယ်။ အဲဒါနဲ့ စက်ကို ပြပေါ့ တောင်းလိုက်တယ်။

တက်လာတော့ ဟုတ်တယ်ဗျ။ CentOS 7 ရဲ့ တင်တင်ချင်း Kernel ပေါ်တယ်။ Rescue Kernel ပေါ်တယ်။ Windows မပေါ်ဘူး။ အဲဒါနဲ့ ကျွန်တော် Terminal ကိုဖွင့် ‘root’ user ပြောင်းပြီး grub configuration ကို အောက်က Command နဲ့ generate လုပ်ကြည့်တယ်။ အဲဒီ Command က Config ကိုတော့ တကယ်မရေးသေးပေမယ့် generator က အလုပ်လုပ်တာတွေ မြင်ရတယ်လေ။ Boot Loader ကို တွေ့လား မတွေ့လား ဆိုတာတွေကို Output မှာ ကြည့်လို့ရတယ်။ ရသွားလေးမလားဆိုတဲ့ မျှော်လင့်ချက်နဲ့ပေါ့။

grub2-mkconfig

ဒါပေမယ့် Output ထဲမှာလည်း CentOS Kernel တစ်ခုရယ် Rescue Kernel ရယ် စုစုပေါင်း ၂ ခုပဲ တွေ့တယ်။ အဲဒါနဲ့ နေဦး ဆိုပြီး Windows Partition တွေကို Mount လုပ်ကြည့်တယ်။ Windows Partition ဆိုမှတော့ NTFS တွေပေါ့ဗျာ။ တစ်ခုမှ Mount လုပ်လို့မရဘူး။ Error တွေ တက်နေတယ်။ အဲဒီမှာ ကျွန်တော် သဘောပေါက်သွားပြီ။ ဘာလုပ်ရမလဲဆိုတာ သိသွားပြီ။ ဒါနဲ့ ကျွန်တော်ဘာလုပ်လဲဆိုတော့ အောက်က Command ကို ရိုက်ချလိုက်တယ်။

yum search ntfs

လိုချင်တဲ့ Output ကို မရဘူး။ Package တွေကလည်း Library တွေချည့်ပဲ။ Utility/Driver Type Package တွေ တစ်ခုမှ မတွေ့ဘူး။ အဲ့တော့ သူ EPEL Repository မထည့်ထားသေးလို့ပဲ ဆိုပြီး အောက်က Command နဲ့ EPEL Repository ကိုသွင်းလိုက်တယ်။

yum install epel-release -y

ပြီးမှ အပေါ်က yum search ntfs ဆိုတာနဲ့ ထပ်ပြီး Package ကို ရှာကြည့်တယ်။ အဲဒီမှာ တွေ့ပါပြီ။ “ntfs-3g” ဆိုတဲ့ Driver Package ရယ် “ntfsprogs” ဆိုတဲ့ Utility Programs Package ရယ် ၂ ခုပါ။ အဲ့ ၂ ခုကို ကျွန်တော် အောက်က Command နဲ့သွင်းလိုက်တယ်။

yum install ntfs-3g ntfsprogs -y

သွင်းလို့လည်းပြီးရော ပထမဆုံး Command နဲ့ grub2 ရဲ့ Configuration ကို Generate ပြန်ထုတ်လိုက်တော့ Output ထဲမှာ Windows 7 Boot Loader ဆိုပြီး တက်လာပါလေရော။ ဒါဆို အဆင်ပြေလောက်တယ်ဆိုပြီး ပထမဆုံး အောက်က Command နဲ့ GRUB2 Configuration ကို Backup လုပ်တယ်။

cp /boot/grub2/grub.cfg ~/

နောက်တော့ အောက်က Command နဲ့ grub2 ကို Generate ထုတ်တဲ့ Configuration ကိုရေးလိုက်ပါတယ်။

grub2-mkconfig > /boot/grub2/grub.cfg

ခဏလေးစောင့်ပြီးတဲ့အချိန်မှာ configuration file ရေးလို့ပြီးသွားပါတယ်။ အဲဒါနဲ့ Reboot ချကြည့်လိုက်တယ်။ GRUB Boot Loader နေရာမှာ Windows 7 ဆိုတာလေးပေါ်လာတော့ ရွေးကြည့်လိုက်တော့ တက်သွားရောဗျ။ အားလုံးအဆင်ပြေသွားတယ်။

Summary

ဘာကြောင့်ဒီလိုလုပ်ရလဲ ဘာကြောင့် ဒီလိုဖြစ်လဲဆိုတော့

CentOS ရဲ့ GRUB Boot Loader နဲ့တက်တဲ့အခါ CentOS က NTFS File System ကို ဖတ်ဖို့ Driver တွေ Utility Program တွေ မပါတော့ NTFS File System ရှိတဲ့ Partition တွေကို ဖတ်လို့မရဘူး။ အကျိုးဆက်က ဘာဖြစ်လဲဆိုတော့ Windows Boot Loader ကို ရှာမတွေ့ဘူး ဖြစ်တာပဲ။ Windows Boot Loader ကို ရှာမတွေ့တော့ GRUB Configuration ထဲ ထည့်မရေးသွားဘူး။ ထည့်မရေးသွားတော့ GRUB Boot Loader နေရာမှာ မပေါ်တော့ဘူးပေါ့။

ဒါကြောင့် NTFS Driver (ntfs-3g) ဆိုတဲ့ Package နဲ့ NTFS Utility Programs (ntfsprogs) ဆိုတဲ့ Package လေးကို ထည့်ပေးပြီး grub2 configuration ကို generate ထုတ်လိုက်တာနဲ့ အဆင်ပြေသွားခဲ့ပါကြောင်း မှတ်စုတစ်ခုအနေနဲ့ ရေးသားဖေါ်ပြလိုက်ပါတယ်။

SSH Jump Host ဆိုတာကတော့ Server ၂ လုံး သို့မဟုတ် ၂ လုံးထက်ပိုတဲ့ Server တွေကို တစ်ဆင့်စီ ခုန်ပြီး နောက်ဆုံး Server ကို Login ဝင်ရောက်ခြင်းဖြစ်ပါတယ်။ အဲ့လို ရှင်းပြလိုက်ရင် ရှုပ်သွားမှာပါပဲ။ ဥပမာ အနေနဲ့ အောက်က ပုံလေးကို ကြည့်လိုက်ပါ။

ပုံမှာတော့ User က Login ဝင်ချင်တာက Production Server ဆီကို ဖြစ်ပါတယ်။ ဒါပေမယ့် တကယ် Login ဝင်တာကတော့ Jump Server ဆီကို Login ဝင်လိုက်တာပါ။ အဲ့ကနေ User Authentication မှန်ကန်ပါက Production Server ဆီကို အလိုလျောက် TCP Traffic ကို Forward လုပ်ပေးပါတယ်။ အဲဒီလို Login ဝင်ဖို့ ခက်ခက်ခဲခဲတော့မဟုတ်ပါဘူး။ အောက်က Command လေးအတိုင်း လုပ်ဆောင်နိုင်ပါတယ်။

ssh -J [email protected] [email protected]

အဲဒီ Command မှာ -J ဆိုတာကတော့ 18.xx.xx.55 ဆိုတဲ့ Server ကို orcakrilozona ဆိုတဲ့ User Login ဝင်ရောက်ဖို့အတွက် Jump Host ဖြစ်တဲ့ 207.xx.xx.93 က root User ကနေတစ်ဆင့် ခုန်ပျံကျော်လွှား သွားဖို့ ခိုင်းစေလိုက်တာပဲဖြစ်ပါတယ်။ Jump Host ကနေ တစ်ဆင့် Production Server ကို ဆက်လက်ပြီး TCP Forward လုပ်ပေးမှာဖြစ်ပါတယ်။ အဲဒီလို Login ဝင်သွားတဲ့အခါ ကိုယ်ခိုင်းလိုက်တဲ့အတိုင်း တကယ်ပဲ အလုပ်လုပ်သလား၊ ကိုယ် Login ဝင်နေတာ Jump Host ကနေ တစ်ဆင့် ဝင်နေတာ ဟုတ်ရဲ့လားဆိုတာ Production Server မှာ w တစ်လုံးထဲရိုက်ပြီး ပြန်စစ်ကြည့်ရအောင်။

[[email protected] ~]$ w
 13:22:57 up 5 days, 22:18,  1 user,  load average: 0.00, 0.01, 0.05
USER     TTY      FROM             [email protected]   IDLE   JCPU   PCPU WHAT
orcakril pts/0    207.xx.xx.93    13:22    1.00s  0.01s  0.01s w

Command ရဲ့ Output မှာတော့ ဒီနေရာကို 207.xx.xx.93 ကနေ ဝင်နေတယ်ဆိုတာ မြင်ရမှာပါ။

Jump Host Connection Configuration

အကယ်၍များ Jump Server သို့မဟုတ် Production Server ကို ချိတ်ဆက်တဲ့အခါ ssh key များ လိုအပ်နေရင် ဘယ်လိုလုပ်ရမလဲဆိုတော့… အကောင်းဆုံးကတော့ အောက်ကအတိုင်း Client စက်ထဲမှာ သက်ဆိုင်ရာ User ရဲ့ Home Directory အောက်က .ssh ဆိုတဲ့ Folder ထဲမှာ Configuration File ရေးထားလိုက်ပါ။

[[email protected] ~]$ cat ~/.ssh/config 
Host 207.xx.xx.93
	HostName 207.xx.xx.93
	User root

Host 18.xx.xx.55
	HostName 18.xx.xx.55
	IdentityFile /home/orcakrilozona/.ssh/myawskey
	User orcakrilozona

ဒီလို Configuration File လေး ရေးထားလိုက်ရင် Jump Host ကို သုံးရတာ အရမ်းလွယ်ကူသွားပါပြီ။

Why do we use Jump Host?

Jump Host ကို ဘာလို့ အသုံးပြုရမှာလဲ၊ ဘယ်လိုနေရာမှာ အသုံးဝင်လဲ ဆိုတော့ ဥပမာအားဖြင့် Production Server ရဲ့ SSH Port ကို Firewall က ပိတ်ထားပြီး Jump Host IP တစ်ခုတည်းကိုသာ ချိတ်ဆက်ခွင့် ပေးထားလိုက်မယ်ဆိုရင် မလိုအပ်တဲ့ SSH Brute Force တွေ၊ SSH Password Guessing တွေကို ကာကွယ်နိုင်မှာပါ။

နောက်ပြီး အကယ်၍များ ကိုယ်ဝင်ရောက်ချင်တဲ့ Production Server ဟာ Load Balancer နဲ့တကွ Firewall ပါ အပီအပြင် အလုံပိတ်ထားတာမျိုးဖြစ်နေပြီး အလွယ်တကူ ဝင်မရပါက အောက်က ပုံထဲကအတိုင်း Jump Host လေးထားပြီး အလွယ်တကူ ဝင်ရောက်နိုင်ပါတယ်။

အလုပ်ရှုပ်နေတာနဲ့ မရေးဖြစ်တာကြာသွားတယ်။ စာရှည်သွားပေမယ့် အဆုံးထိ ဖတ်ပေးခဲ့သူများကို ကျေးဇူးတင်ပါကြောင်း။ Idea တစ်ခုခုရသွားတယ်ဆိုရင်ပဲ ကျေနပ်ပါကြောင်း 😀