“ဒီထဲ မင်းပုံပါလား” နှင့် ကျွန်တော့်အဖြစ်

တနေ့သောအခါက ပထမပုံထဲကလို ကျနော့်ဆီကို “ဒီထဲ မင်းပါလား” ဆိုတဲ့စာတွေ Telegram ထဲ ဝင်လာပါရော… ကြည့်တော့လည်း ကိုယ့်အသိပဲ… ပထမဆုံးတစ်ခေါက် ဝင်တုန်းက နှိပ်ကြည့်လိုက်သေးတယ်… လိုင်းပဲမကောင်းလို့လားဘာလား ဘာမှလည်းမပေါ်ဘူး… တခုခုတော့ တခုခုပဲ ဆိုပြီး တွေးမိပေမယ့် အဲ့အချိန်က အပြင်ရောက်နေတော့ ဘာမှ မလုပ်မိလိုက်ဘူး… ပြန်ရောက်တော့ နောက်တစ်ခါ ထပ်နှိပ်ကြည့်တယ်… အပြင်မှာနှိပ်ခဲ့တုန်းက လိုင်းပဲမကောင်းလို့လားလို့… အဲ့ခါ နှိပ်တော့လည်း ဘာမှမပေါ်တော့ မဟုတ်တော့ဘူးဟ ဆိုပြီး Telegram ထဲမှာ Settings -> Devices တွေထဲက Session တွေ အကုန် Terminate လုပ်ပလိုက်တယ် နောက်ပြီး Settings -> Privacy & Settings ထဲကဟာတွေ တခုချင်းအကုန်ပြန်စစ်ရတယ်။

တကယ်လို့ နှိပ်မိထားတဲ့သူရှိရင် အပေါ်ကပြောသလို အကုန်ပြန်စစ်ထားပါနော်။ မဟုတ်ရင် Telegram Account ပါသွားနိုင်တယ်။ မပါသွားရင်တောင် Session ကျန်ရင် ကိုယ့်အသိတွေဆီကို ကိုယ့်ဆီကနေ ထပ်ပို့တာတွေ ဖြစ်နိုင်သေးတယ်နော်။ ဒါက Awareness အနေနဲ့ ရေးပေးလိုက်တာပါ။

ဒါပေမယ့် ကျွန်တော့်အတွက် ဒီကိစ္စက ဒီနေရာမှာ မပြီးသွားပါဘူး။ နောက်နေ့ကျ လန့်စရာတစ်ခုထပ်ဖြစ်တယ်။ နောက်နေ့မှာက ကျွန်တော် တစ်နေရာကိုService Outdoor သွားဖြစ်တယ်။ ပြီးလည်းပြီးရော ပြန်ရောက်‌တော့ ဖုန်းထဲက ပုံလေးတွေနေရာကိုရောက်လည်းရောက်ရော ဒုတိယပုံက ပေါ်နေရော။ ခေါင်းတွေကြီးသွားတာဆိုတာ။ ဒီပုံကြီးက ဘာလဲပေါ့။ ဘယ်က ရောက်လာတာလဲ။ ဘာပုံကြီးလဲ။ Telegram မှာ မြင်ခဲ့ရတာလဲ အက်လို အစက်အပျောက်တွေနဲ့ပဲ။ ဆက်စပ်မှုရှိလား။ ရှိရင် ဘယ်လို နည်းပညာမျိုးလဲ။ ဘာဆက်ဖြစ်မှာလဲ။ အိုး…. တွေးလိုက်တာ စုံပလုံစိနေတာပဲ။ တကယ် ပဟေဠိဖြစ်ပြီး တော်တော်ကိုတွေးလိုက်မိတာ။ အဲ့မှာလည်း ကိုယ့် Telegram ကို ထပ် ရှင်းလင်းရေးလုပ်ရတာပေါ့။

နောက် ၂ ရက်လောက်မှ သိလိုက်ရတာက…. ဘယ်ဟုတ်မလဲ… ဘောင်းဘီအိတ်ထဲ ဖုန်းထည့်ထားတုန်းမှာ Touch က မိပြီး ဖုန်း Camera နဲ့ ဓါတ်ပုံ ရိုက်မိထားတာ။ အဲ့ကျမှ သက်ပြင်းချနိုင်တယ်။

အတွေ့အကြုံလေးတစ်ခု Share တာပါ။

ပထမပုံ Credit: Ko Kaung (သူ့ဆီက သွားယူလာတာပါ)